ᐊᒥᕃᔭᐅᑦ (ᓯᑎᒻᐱᕆ) 17-ᖑᑎᓪᓗᒍ, ᐅᖓᕙᒥ ᑐᓚᑦᑕᕕᐅᑉ ᐋᓐᓂᐊᕕᖓᑕ ᐱᓇᓱᑦᑎᖏᑦ (UTHC) ᑲᖏᕐᓱᔪᐊᒥ ᓯᓚᒥ ᐃᒐᓂᖃᕐᓱᑎᒃ ᓂᕆᑎᑦᓯᓚᐅᔪᕗᑦ ᓄᓇᓕᒻᒥᐅᓂᒃ.
ᓂᕆᓂᖃᓚᐅᔪᑦ: ᓂᕿᑦᓯᐊᕌᓗᓐᓂᒃ, ᖁᖓᓐᓂᑕᖃᕐᓱᓂ, ᐊᓕᐊᓇᕐᑐᖃᒻᒪᕆᑦᓱᓂᓗ!
ᑖᓐᓇ ᐊᑑᑎᔭᐅᓚᐅᔪᖅ ᐃᒐᒍᓐᓇᑎᑦᓯᓚᐅᔪᖅ ᐱᓇᓱᑦᑎᓂᒃ ᐊᒥᓱᓂᒃ ᓂᕿᓕᐅᕐᓱᑎᒃ ᑲᑎᒪᖃᑎᖃᕐᓱᑎᓪᓗ ᐊᓕᐊᓇᕐᑐᑯᑦ ᓄᓇᓕᒻᒥᒃ, ᐱᓇᓱᖃᑎᒥᓂᒃ ᑐᓚᑦᑕᕕᐅᓪᓗ ᑲᑎᒪᔨᖏᓐᓂᒃ.
ᑲᑎᖃᑎᒌᓐᓂᖅ ᐊᑦᔨᐅᖏᑦᑐᑯᑦ
ᑖᓐᓇ ᓂᕆᑎᑦᓯᓂᖅ ᐱᕕᖃᕐᕕᓯᐊᖑᓚᐅᔪᒻᒥᔪᖅ ᑲᑎᖃᑎᒌᓐᓂᐅᓱᓂ ᐊᑦᔨᐅᖏᑦᑐᑯᑦ.
ᐱᓇᓱᑦᑏᑦ ᐃᓅᖃᑎᖃᕈᓐᓇᓯᓚᐅᔪᑦ ᑲᒪᒋᔭᕆᓲᒥᓂᒃ, ᐱᒍᑦᔭᐅᓲᓂᒃ ᓄᓇᓕᒻᒥᐅᓂᓪᓗ ᐊᓕᐊᓇᕐᑐᒦᖃᑎᒌᑦᓱᑎᒃ, ᐱᐅᓯᕆᔭᐅᓲᑐᖃᕐᓃᒐᑎᒃ ᐊᓐᓂᐊᓯᐅᕆᓂᐅᓲᓂᑦ ᐃᓄᓕᕆᓂᐅᓲᓂᓪᓗ.
ᑕᒪᓐᓇ ᐊᑑᑎᔪᖅ ᐱᕕᖃᕐᕕᒋᓚᐅᔪᔭᕗᑦ ᖃᐅᔨᒪᔮᕇᓕᐅᒥᒍᑎᒋᑦᓱᒍ, ᐅᖄᖃᑎᒌᕝᕕᒋᑦᓱᒍ, ᑐᑭᓕᒻᒪᕆᑦᑎᒍᓪᓗ ᐱᑐᖃᑎᒌᒍᑎᒋᑦᓱᒍ. ᐃᑲᔪᕐᓯᓚᐅᔪᒻᒥᔪᖅ ᓱᖑᓰᒋᐊᕐᓂᐅᓱᓂ ᐅᑉᐱᕆᐅᑎᓂᕐᒥᒃ ᓄᓇᓕᒻᒥᐅᖑᖃᑎᒌᓐᓂᒥᓪᓗ.
ᐱᓇᓱᑦᑏᑦ ᐊᐅᓚᑦᓯᔨᐅᔪᓪᓗ ᑲᑎᖃᑎᒌᓐᓂᖓ
ᓂᕆᓂᖃᕐᑎᓗᒍ ᑲᖏᕐᓱᔪᐊᒥ ᐱᓇᓱᑦᑏᑦ ᑲᑎᓯᒍᓐᓇᓯᓚᐅᔪᑦ ᑐᓚᑦᑕᕕᐅᑉ ᑲᑎᒪᔨᖏᓐᓂᒃ, ᑲᖏᕐᓱᔪᐊᒦᑦᑎᓗᒋᑦ ᑲᑎᒪᒋᐊᕐᓯᒪᑦᓱᑎᒃ ᐊᒥᕃᔭᐅᑦ 14-ᒥᑦ 17-ᒧᑦ.
ᐊᓕᐊᓇᕐᑑᓱᓂ ᐱᕕᖃᕐᓂᓯᐊᖑᓚᐅᔪᖅ ᓂᓪᓕᐅᔫᑎᓂᒃᑯᑦ, ᓂᕆᖃᑎᒌᓐᓂᑯᑦ, ᐱᓇᓱᕝᕕᐅᓗ ᓯᓚᑖᓂ ᐅᖄᖃᑎᒋᓐᓂᑕᖃᕐᓱᓂ.
ᑐᓚᑦᑕᕕᒃ ᐃᓕᑕᕐᓯᒍᒪᕗᖅ ᑐᓂᒪᑦᓯᐊᓂᖓᓂᒃ ᑲᔪᓯᑎᑦᓯᓂᕆᓚᐅᔭᖓᓂᓪᓗ ᑲᖏᕐᓱᔪᐊᒥ ᐱᓇᓱᑦᑏᑦ ᑕᒪᑦᓱᒥᖓ ᐊᓕᐊᓇᕐᑐᒥᒃ ᐱᕕᖃᕐᑎᓯᓚᐅᔪᒻᒪᑕ ᑲᑎᖃᑎᒌᑦᑎᓯᑦᓱᑎᒃ.
ᐱᓇᓱᐊᖃᑎᒌᓐᓂᖅ ᑐᑭᖃᕐᒥᒪᑦ ᑲᑎᖃᑦᑕᕆᐊᖃᕐᓂᒥᒃ, ᐊᒥᕐᖄᖃᑎᒌᓐᓂᒥᒃ ᐱᑐᖃᑎᖃᑦᓯᐊᕆᐊᓪᓚᓂᕐᒥᓗ ᓄᓇᓕᒻᒥᒃ.
ᓇᑯᕐᒦᐸᐅᔮᓗᒃ ᑭᓇᓕᒫᑦᓯᐊᑯᑦ ᐃᓚᐅᓚᐅᔪᐃᑦ ᓂᕆᓂᖃᕐᑎᓗᒍ ᑐᖕᖓᓇᕐᑎᓯᖃᑎᐅᓚᐅᔪᒻᒪᑕ ᐊᑕᐅᓯᐅᓕᖓᓂᐅᑎᑦᓯᓱᑎᓪᓗ
